Coffee or Tea (已結業)

观塘裕民坊新落成嘅商场开咗之后 多咗好多餐厅 今日嚟咗呢间名叫Coffee or tea嘅餐厅食个lunch🙈餐厅走文青cafe路线 所以食物选择唔算好多 主要分为面包类 粉面类同饭类 反而饮品就有好多款式啦🐷云朵咸牛肉蛋多士可以话系餐厅必点嘅菜式😆 基本上每台都会叫份嚟打卡 蛋白堆砌成云嘅形状 再加埋上面嘅蛋黄 真系够晒诗意 食落口蛋白部分都几滑 但系整体味道唔算好特别 系打卡为主嘅一碟菜式📸牛油果蛋白三文治牛油果馅都几多 夹杂咗蛋白增加咗啲口感🥑西式芝士奄列配多士芝士奄列生熟程度啱啱好 食得到芝士味 但见唔到拉丝 多士都够脆 配奄列食都唔错🍳焗猪扒饭呢个好有惊喜 猪扒系吉列猪扒 茄汁唔会太甜 配有蜜桃同鲜茄 饭底炒得好有蛋香 捞埋啲芝士 味道好够 整体质素颇高🧀污糟奶味好香 每一啖都饮到唔同嘅层次🥛意大利泡沫咖啡睇见个拉花已经觉得会好饮 饮落口泡沫好顺口☕️整体呢间咖啡店食物质素都几高 最欣赏佢嘅焗猪扒饭 如果唔想食主食 入嚟饮杯野饮都唔错㗎☺️