滿香濃

营业中

休息中

#庆祝 冻冰冰嘅天气 同 #圣诞🎄同Lisboy行完书店有啲攰🥰见到新开咗间暖心嘅汤面🍜店，即刻坐低食暖笠笠Lunch先🤤呢间Pop-Up Store喺北角同金钟有分店，话啲食材均自台湾直送，以台式古早方法秘制，听完都食指大开！🍽️ 麻油鸡汤面 + 牛肚牛筋 + 酸辣汤新推出独家秘制冬日药膳养生台湾汤面及汤品♨️我哋试咗招牌麻油鸡汤面，啲鸡滑嫩多汁，融合香醇麻油与老姜的滋味，汤头浓郁，饮完有一丝丝嘅暖意。而个面条都好弹牙😋食完暖粒粒好脂肪滋补佳品。而卤水小食我哋就拣咗牛肚牛筋，够晒入味，啲卤水味好出好有台湾嘅特色，汤品我哋就叫咗个酸辣汤酸酸辣辣好开胃！🍽️ 姜母鸭汤面 + 卤水猪元蹄 + 四神汤姜母鸭汤面炖咗好耐，啲鸭肉够晒柔软，温暖驱寒，饮完成个身体暖晒，啲面烟烟韧韧好咬口，小食我哋就叫咗卤水猪圆蹄俾Lisboy😋啖啖肉食得好开心，汤品就叫咗出名嘅四神汤♨️清清地又可以驱寒，仲有好多排骨俾Lisboy食添🤤够晒饱肚！🍽️ 一人套餐我地3个人叫咗两餐，Lisba见到有个一人套餐好似又平又多野食拣🥰所以都叫左个唔辣台式凉面，面质烟烟韧韧好味道，小食叫咗香Q卤猪手😋真系好入味，仲叫咗杯黑糖冬瓜茶拎走