茶墨 (已結業)

系商场入面都可以打卡！作为（伪）文青系尖沙咀行到热，就去饮返杯打卡一流、饮得到嘅水墨画。茶墨坐座大约得10+个，亦设有企位。原来除咗大热嘅水墨系列，仲有焦糖芝士系列！唔详细睇唔知，原本有几款日式蛋糕同埋唔同口味嘅Galato。饮品点咗大推之一嘅麻糬芋泥茉莉鲜奶绿。店员好细心会问洗唔洗少甜少冰。我就叫咗少甜减轻下罪恶感。卖相好IG-able，用芋泥画嘅水墨画。睇得又饮得。少甜下更饮出清香嘅茶味。大大旧芋泥，质感沙沙地，亦好细嘅芋头粒，口感更佳。搅好芋泥后，味道刚刚好，唔会太甜。饮品另一特点系用麻糬代替平时常见嘅珍珠。麻糬控表示好满意，麻糬粒粒分明，烟烟韧韧。+$28就有件蛋糕。日式奶茶蛋糕好fluffy，一食茶味出晒黎。蛋糕同cream比例刚刚好，一啲都唔腻！作为3点3下午茶刚刚好。