Comfy by Chef's Stage (東廣場)

营业中

休息中

放工后约朋友嚟到观塘东广场嘅呢间西餐厅食晚饭，之前去过其他嘅Chef's Stage灯光都比较暗，而呢间Comfy就好光猛，座位都够晒宽敞，简约的嚟都相当有文青嘅感觉。今次就嗌咗两个主菜两杯嘢饮同一个小食，个人最推荐就系明太子海鲜意式薄饼。一上到嚟净系睇上面芝士份量已经够晒有诚意，薄饼嘅饼底松软，入面仲收埋左好多海鲜，加埋明太子嘅咸鲜味非常夹！另外一道主菜系黑松露杂菌意大利饭。Risotto嘅软硬程度啱啱好，仲保留到米粒嘅口感，个酱都同样出色，好重杂菌同埋黑松露嘅香味，但又唔会太咸太油腻。总体上嘅风味同口感都非常唔错，钟意黑松露嘅朋友可以一试。再加咗个炸甜薯条作为小食。薯条外面炸得够脆，入面就好香软，够晒香口得嚟好钟意甜薯自带嘅甜味。嘢饮就分别要咗壶earl grey同埋蜂蜜水果乌龙茶。原来个乌龙茶底系来自台湾嘅阿里山金萱茶，配埋西柚、橙同青苹果嘅果香同埋蜂蜜嘅香甜都几清新，有惊喜！