影片
更多
2019-09-23
945 浏览
今日拣左黎呢到食素，位置比较偏远不过奥运站一出就系，都尚算方便事先睇过食评话要订坐，即日下昼打黎订晚餐有两个时段，6点及8点，食90分钟正常唔系呢头番工既都唔会急到6点订左8点，7点45到左，以为要等够钟先入见到有其他人到左直入先知唔洗入到去俾钱先，有人带位，坐低之后知我地未黎过有讲解下呢到运作.睇过话服务差，碟又唔换得，所以有啲心理准备但带位个姐姐都几nice，几好笑容又会讲解下咁而且依家无限你用一只碟，不过我全程都系用左两只地方布置得几文青，位同位之间唔算迫我地坐左四人枱仲谂住一定要搭枱，始终星期一系green monday不过最后我地独霸要四人枱，所以坐得几舒服同埋今晚唔算好爆，我地坐过左90分钟都无赶我地走，所以餐厅环境我觉得唔错食物方面，种类选择正常，未多到眼花撩乱但每样食一次都够你饱既食物质素都中上既，简单讲下我记得既野食.披萨：芝士咸香重，加少少香草，唔错既，但唔钟意佢有啲姜味麻酱鸡丝青瓜：呢个几好食，鸡丝都几肉真肉，配上麻酱调味，夹埋青瓜几清新班兰粽：比较小见既一款，糯米做到好烟韧，唔算深色但班兰味几出，配埋甜甜地既椰汁好好食，encore天妇罗蔬菜：不过不失，炸到非常
不过奥运站一出就系，都尚算方便
事先睇过食评话要订坐，即日下昼打黎订
晚餐有两个时段，6点及8点，食90分钟
正常唔系呢头番工既都唔会急到6点
订左8点，7点45到左，以为要等够钟先入
见到有其他人到左直入先知唔洗
入到去俾钱先，有人带位，坐低之后知我地未黎过
有讲解下呢到运作
.
睇过话服务差，碟又唔换得，所以有啲心理准备
但带位个姐姐都几nice，几好笑容又会讲解下咁
而且依家无限你用一只碟，不过我全程都系用左两只
地方布置得几文青，位同位之间唔算迫
我地坐左四人枱仲谂住一定要搭枱，始终星期一系green monday
不过最后我地独霸要四人枱，所以坐得几舒服
同埋今晚唔算好爆，我地坐过左90分钟都无赶我地走，所以餐厅环境我觉得唔错
食物方面，种类选择正常，未多到眼花撩乱
但每样食一次都够你饱既
食物质素都中上既，简单讲下我记得既野食
.
披萨：芝士咸香重，加少少香草，唔错既，但唔钟意佢有啲姜味
麻酱鸡丝青瓜：呢个几好食，鸡丝都几肉真肉，配上麻酱调味，夹埋青瓜几清新
班兰粽：比较小见既一款，糯米做到好烟韧，唔算深色但班兰味几出，配埋甜甜地既椰汁好好食，encore
天妇罗蔬菜：不过不失，炸到非常脆，甚至有少少硬。我试左南乳炸菇，南乳味唔多。炸南瓜落左椒盐调味，外脆内软。
寿司：麻麻地，饭+菜有啲dry，好彩有啲沙律酱
手拍青瓜/口水鸡/酸辣粉都偏辣
肉松皮蛋豆腐都唔错既，柚子凉瓜几特别
沙律吧就无咩食，望落都新鲜既
热食：
炒饭/炒面可以飞，除非唔饱
芋头鱼系配西柠鸡个酱，唔错既
酿茄子味道几好，但略微太油
甜酸斋鹅粒，个酱完全一样，用油炸鬼做，几好食，但有啲淋左
仲食左炸猪大肠，即系炸腐皮，得个样似，食菇干左啲
炸鱼旦真系几似真鱼旦，唔错
另外蔬菜卷个个都话好食，我觉得正常，略嫌酱唔够
桂花山药完全唔似山药，好爽，口感似萝卜
甜品有 凉粉，豆腐花，红/绿豆沙，焗南瓜西米，水果批
食左南瓜西米，太甜
水果批，个批淋既
最好食系豆腐花，落左花奶，好食
.
饮品有柠檬水，茶，雪梨菊花
雪梨菊花清清地唔错，但啲杯有啲污漕
总括而言，平日晚餐$125，尚算抵食
张贴
