香港郵意 (已結業)

係尖沙咀地區, 附近都是人來人往的地方, 竟然有一個文青CAFÉ, 係周末晚飯時間上到去竟然無乜人, 而且地方好大, 還有榻榻米區(要脫鞋), 一問之下原來係任坐自助式,基本上職員係唔會理你, 最適合和朋友一齊飲杯野吹下水, 又或者, 叫杯飲品靜靜地一個睇下書又得。門口還有店主排好的小狗擺設, 好可愛, 當然, 黎得文青CAFÉ, 我們都是有文化的人係唔會隨意破壞別人的心意, 不要因為小狗可愛就拿起來看呀。食物方面, 我們叫了2份卡邦尼意粉, 1份黑松露意粉, 1份PLZZA。飲品方面叫了: 小確幸, 芒果少女, 朱古力和花茶。因為文青CAFÉ都係精緻為主, 加上是自助環保形式, 用後需要自行分類及清理。