Pause It (已搬遷) 新店位置

下午约咗朋友聚一聚，听讲旺角都有好多文青cafe 影相打卡一流，呢间pause it 就正合心意。下午四点几都多人，黑白风格够哂简约。里面仲有干净厕所位，够哂贴心。menu 亦好清晰。都见好多人叫薯条，望落好吸引，但呢排太热气，转食炒蛋牛油果多士够健康。个多士估唔到咁好食，配埋啲牛油果酱，个多士食落仲脆。另外叫咗黑松露芝士意大利饭，好香芝士加黑松露。讲到饮品，呢杯棉花糖焦糖朱古力真系饮完令人充满活力，上面好多棉花糖，好开心。最后叫咗杯竹炭鲜奶咖啡，好香嘅鲜奶味，加上淡淡咖啡香。成杯黑色够哂吸精！