Felice Cafe & Pasta (已結業)

铜锣湾呢间西餐厅地理位置十分方便， 地铁站行过去只系需要十分钟路程， 而且附近仲有好多巴士站 ，交通十分方便。餐厅系黄店，如果有相同理念嘅人，可以去支持下。 入到去餐厅唔算大，不过枱与枱之间都有少少距离，唔算好逼夹， 望下menu， 决定试佢嘅 牛油果卡邦尼意粉， 卡邦尼意粉周围都有得食, 不过加牛油果都系第一次, 味道其实唔错, 有好多牛油果粒用了都算足。 作为一个牛油果爱好者绝对 值得推介， 而且因为加咗牛油果，感觉令到卡邦尼意粉更加creamy。喜欢牛油果嘅我当然饮品选择都唔少得拣牛油果啦，我决定叫咗一个牛油果乳酸沙冰， 牛油果味重有淡淡乳酸味， 沙冰主打健康，所以味道比较清淡， 唔喜欢太甜嘅朋友绝对可以选择。总体嚟讲性价比都ok可以再试。