影片
更多
2022-09-09
1582 浏览
最近先得知「不籽是咖啡」登陆西营盘，其实好似都开咗一段时间🙈。朋友好少过九龙，所以之前未有机会一尝，不过终于等到餐厅嚟港岛喇。西营盘店门口比起油麻地店更打卡Able📸，即使天气咁热，都有客人选择坐出去Chill，而店内环境就保持一贯小清新嘅风格，简约舒服。餐厅嘅食物定价属中等水平🍽，主菜平均一百蚊松啲，系大路Cafe价格。佢份量OK，而且卖相吸引。龙虾汤配牛油果大虾稻庭乌冬($128)，呢个系餐厅嘅首席招牌菜，相信有唔少人都系为佢而来。🦞龙虾汤分开另上，咁就唔怕浸淋啲面。热汤装喺茶壶入面，能够保温，但面条始终无㷫住，所以要尽快食。龙虾汤几浓郁，而且加咗唔少蟹肉一齐熬煮，以添鲜香🦀。扁身乌冬口感弹牙，其他𩠌料包括大虾、🥑牛油果、昆布同沙律菜等，颇丰富的。北海道干贝火龙果炖饭($148)，Risotto呈紫红色💜，造型非常吸睛，佢嘅色素系来自天然食材：红火龙果。除咗颜色之外，饭粒中仲混入打碎咗嘅果籽，感觉健康。🍚炖饭口感湿润，但唔烂；而且份量好多，够晒饱。带子有两大粒，系刺身级数，味道鲜甜；而爆浆蟹籽捞饭食亦都正。饮品方面🥤，我哋要咗热情果高山茶($48)同Mojito Soda($55)
最近先得知「不籽是咖啡」登陆西营盘，其实好似都开咗一段时间🙈。朋友好少过九龙，所以之前未有机会一尝，不过终于等到餐厅嚟港岛喇。
西营盘店门口比起油麻地店更打卡Able📸，即使天气咁热，都有客人选择坐出去Chill，而店内环境就保持一贯小清新嘅风格，简约舒服。
餐厅嘅食物定价属中等水平🍽，主菜平均一百蚊松啲，系大路Cafe价格。佢份量OK，而且卖相吸引。
龙虾汤配牛油果大虾稻庭乌冬($128)，呢个系餐厅嘅首席招牌菜，相信有唔少人都系为佢而来。🦞龙虾汤分开另上，咁就唔怕浸淋啲面。热汤装喺茶壶入面，能够保温，但面条始终无㷫住，所以要尽快食。龙虾汤几浓郁，而且加咗唔少蟹肉一齐熬煮，以添鲜香🦀。扁身乌冬口感弹牙，其他𩠌料包括大虾、🥑牛油果、昆布同沙律菜等，颇丰富的。
北海道干贝火龙果炖饭($148)，Risotto呈紫红色💜，造型非常吸睛，佢嘅色素系来自天然食材：红火龙果。除咗颜色之外，饭粒中仲混入打碎咗嘅果籽，感觉健康。🍚炖饭口感湿润，但唔烂；而且份量好多，够晒饱。带子有两大粒，系刺身级数，味道鲜甜；而爆浆蟹籽捞饭食亦都正。
饮品方面🥤，我哋要咗热情果高山茶($48)同Mojito Soda($55)。本身以为水果茶会落糖浆好甜，点知又无，味道几清香🍵。另外，Mojito无酒精，带青柠同薄荷香，凉快消暑。
总括嚟讲，西营盘又多一间文青Cafe🌿，我相信周末应该会好墟冚，因为平日夜晚都坐满，不过留意返，佢都收得比较早，九点左右。题外话，餐厅附近一带叫艺里坊，嚟开食嘢嘅不妨顺便欣赏下啲墙画🎨。
张贴
