The Corner Coffee

营业中

休息中

之前经过湾仔天桥、成日见到一间几文青既café，不过唔知道名同入口位置，所以一直无试。今次就经我fd带路，终于去左试呢间【The Corner Cafe】。餐厅入面除左有食物之外、仲有D寄卖商品、包括本地手作品牌。日式咖喱饭配吉列虾：甜口日式咖喱、配软糯既珍珠米。吉列虾非常香脆热辣辣，而且有4只。不过略嫌D饭唔够热。照烧鸡扒蛋汉堡配黑松露薯条：面包系牛油牛奶面包，牛油味非常香浓、一D都唔干。照烧鸡扒好厚、非常juicy，仲有生菜同煎蛋。薯条分量超多、黑松露蛋黄酱完全唔小气。三重椰香格仔饼配椰子雪糕：期间限定甜品、非常椰子味、格仔饼搭配椰奶又几特别。椰子雪糕比较似semifreddo，介于mousse 同雪糕之间。花生酱燕麦奶：非常香浓花生酱味、唔会太甜。焦糖咖啡：手冲咖啡、可以自己选择nutty或者fruity咖啡，焦糖味唔会抢过咖啡味。