影片
更多
2016-03-17
1594 浏览
上次介绍左大埔既森林cafe，可以亲亲大自然，不过地点就隔涉少少，话说当日都见到好多文青打扮既男女帮衬，睇黎Cafe文化同文青系有著不可分割既关系。今日介绍一间近市区既文青Cafe，无论你系真文青定伪文青都好，都可以去帮衬下沾一沾文气!地点位于太子一个普遍少人会行到既地方，但其实距离太子地铁站D出口只系2分钟路程，所谓「旺中带静」咪就系呢d位！神经喂饲系白纸工作室开既一间食堂，点解会叫神经喂饲呢个名咁得意? 因为店主希望食物除左能够填饱你既胃口之余，亦希望美食同舒服既环境可以治愈你既神经同心灵，系一个令人放空既好地方。果然一黎到门口已经有种令人放松既感觉，大门/招牌用上浅木色，门口种左不同既盆栽，隔离有张长櫈，可以坐低等位或者拎杯咖啡出黎饮。呢度系自助形式，揾位买野食先系自己搞掂，不设订位。(photo from 100毛)一推开门就有个开放式水吧/厨房，旁边有几张木枱櫈。其实呢度系分两层，下层系坐木枱櫈，而上层就系木地板，有d矮枱同坐垫，大家可以好似坐tatami咁席地而坐，不过就一定要除鞋啦，约左女神/男神去既话，记得出门之前睇下对袜有冇穿窿啦，haha!天花同墙边吊住好多干花同植
神经喂饲系白纸工作室开既一间食堂，点解会叫神经喂饲呢个名咁得意? 因为店主希望食物除左能够填饱你既胃口之余，亦希望美食同舒服既环境可以治愈你既神经同心灵，系一个令人放空既好地方。
果然一黎到门口已经有种令人放松既感觉，大门/招牌用上浅木色，门口种左不同既盆栽，隔离有张长櫈，可以坐低等位或者拎杯咖啡出黎饮。呢度系自助形式，揾位买野食先系自己搞掂，不设订位。
(photo from 100毛)一推开门就有个开放式水吧/厨房，旁边有几张木枱櫈。其实呢度系分两层，下层系坐木枱櫈，而上层就系木地板，有d矮枱同坐垫，大家可以好似坐tatami咁席地而坐，不过就一定要除鞋啦，约左女神/男神去既话，记得出门之前睇下对袜有冇穿窿啦，haha!
天花同墙边吊住好多干花同植物!
食物方面无特定餐牌，每日都有机会唔同，有主食饭/面类同埋一d轻食/甜品，三文治，Waffle之类! 饮品有咖啡，花茶，梳打等。果日叫左个紫薯什菜带子奶油烩饭 $88，第一次食饭只色系咁靓，朋友黎到见到咁靓都跟我叫左碗，饭入面有紫薯粒同紫椰菜，奶油味唔重，整体系比较淡，夹埋细细粒既带子一齐食就好味D，不过清清地感觉都几健康，钟意重口味既朋友就未必岩啦! 另外叫左壶洋甘菊乌龙茶$45，同朋友倾下饮下就不知不觉坐左几个钟，呢度真系一个好岩倾计放松既好地方，我见好多人都带埋Macbook黎做野，比起去图书馆/星X克舒服好多，起码唔会人来人住!
食饱饱去下洗手间，餐厅尾有扇铁门推出去就系，不过我想讲呢扇铁门真系攞我命3千，可能有D生锈关系，每次有人出去，一堆就会发出劲高音既"GIT"一声，果下真系好影响心情，我同朋友都好有冲动帮佢地买支WD-40喷下佢!!! 希望店主快d搞搞佢啦! 我唔系咁变态厕所都想介绍，只系想讲下推开门之后系个露天既地方，佢地都系度种左好多植物，同埋个石屎洗手盆真系好raw好有feel!香港人工作压力大，最近社会气氛，政治问题都令人神经紧张，不妨周未黎呢度坐下放空下，睇下可唔可以帮你治疗绷紧既神经?
Address: 旺角砵兰街434号地舖
Tel: 2673 4722
Open hour:
星期二至日: 12:00-21:00
星期一休息
张贴
