影片
更多
2018-08-25
101 浏览
难得收工过黎旺角朗豪坊血拼，首要任务要医好个肚先! 见到开左间新韩烧餐厅，好似好受欢迎咁，于是就试下啦! 佢门口有个beverage counter , 卖埋果汁同smoothies。餐厅设计特别，有别于一般既韩烧餐厅咁，偏向白色为主同似系自修室既设计，而且地方够阔落，灯光充足，坐落好舒服，同时佢地墙上都会有D简单有趣既英文字句!Menu上都有各种唔同款色的肉类可供选择，另外亦有其他韩国特色的食物，坐低之后，店员递上总共8页字的Menu比我地拣，花多眼乱由于最近食肉太多，于是只系拣左一款牛肉同一款猪肉，留肚试下烧肉以外的食物!.三色五花肉 $115顾名思义系三色五花肉，呢款总共有三款特制的酱汁，包括苹果酱、菠萝酱同青柠汁。上枱时五花肉已经加上多款酱汁，落去烧果阵，酱汁渗落D五花肉入埋，十分惹味，而且五花肉厚薄切得岩岩好，烧起身好香脆，值得一试!.韩式梨汁牛五花未试过呢款牛肉，感觉好新鲜，牛肉似乎用梨汁腌过，肉质带有淡淡的甜味，而且成碟牛五花切得好薄，系炉上轻轻烧一烧便已熟透。肉和脂肪分布平均，口感烟韧，好味道!.韩式牛肉炒粉丝十分喜欢呢道粉丝的味道，粉丝够哂弹牙，软硬适中，当中的红椒，
见到开左间新韩烧餐厅，好似好受欢迎咁，于是就试下啦!
佢门口有个beverage counter , 卖埋果汁同smoothies。
餐厅设计特别，有别于一般既韩烧餐厅咁，偏向白色为主同似系自修室既设计，而且地方够阔落，灯光充足，坐落好舒服，同时佢地墙上都会有D简单有趣既英文字句!
Menu上都有各种唔同款色的肉类可供选择，另外亦有其他韩国特色的食物，坐低之后，店员递上总共8页字的Menu比我地拣，花多眼乱
由于最近食肉太多，于是只系拣左一款牛肉同一款猪肉，留肚试下烧肉以外的食物!.
三色五花肉 $115
顾名思义系三色五花肉，呢款总共有三款特制的酱汁，包括苹果酱、菠萝酱同青柠汁。上枱时五花肉已经加上多款酱汁，落去烧果阵，酱汁渗落D五花肉入埋，十分惹味，而且五花肉厚薄切得岩岩好，烧起身好香脆，值得一试!.
韩式梨汁牛五花
未试过呢款牛肉，感觉好新鲜，牛肉似乎用梨汁腌过，肉质带有淡淡的甜味，而且成碟牛五花切得好薄，系炉上轻轻烧一烧便已熟透。肉和脂肪分布平均，口感烟韧，好味道!.
韩式牛肉炒粉丝
十分喜欢呢道粉丝的味道，粉丝够哂弹牙，软硬适中，当中的红椒，黄叔，青椒及牛肉配搭得相当之好，散发著阵阵的麻油与酱油香。.
韩式海鲜葱饼 $65
厚薄适中，煎得香脆可口，当中亦到食到原只虾同泡菜，不错不错.
炸芝士卷 $56
呢款芝士卷似乎用面包包住芝士落去炸，咬落香脆，但芝士味唔算突出，作为一道开胃小食算是不错!.
Big & Small $35
呢款果汁系以西柚，香橙，蜜糖同生姜整，饮落酸酸地，其中以橙味味道较出，反而生姜味饮唔出，呢杯野饮几清喝解腻.
整体黎讲呢间Lab10够哂特别，无论系装修设计上都各有心思，而且佢有别于其他韩烧店铺食完成阵油烟味，反而呢间食完都无果种油烟味，抽风系统够强劲! 值得推介!
张贴
