影片
更多
2024-06-20
8957 浏览
最近端午节午餐走咗去食雅苑座，即帝苑酒店自助餐。呢度最奇特系环境。酒店内部好似番咗80年代港产片见到嘅酒店环境，有透明lift，好有趣。不过一上到自助餐楼层就系另一番景象。呢度系起喺下一层空心嘅天花上面，有空中花园，有住客楼层，蔚为奇观。嘢食方面，海鲜弱少少，主要系食长脚蟹，冇生蚝亦冇龙虾冇蟹。种类唔多，但贝壳类几好食。热荤唔错，烧味尤其出色，即切海南鸡、叉烧同烧肉，都有靓烧味舖水平。汤同屋企人都好钟意。扒、串烧同其他食物就正常，屋企人话鱼柳同猪脚姜好好食，但我就冇试到😅。不过，今次帮衬最主要系食佢signature嘅蝴蝶酥，佢足足有三款，全部都好好食，特别系朱古力，我拎咗四五次😂。又不过，今日最好食嘅甜品，其实系即造斑斓班戟。热辣辣又有斑斓味，难怪排长龙。好多人唔知佢个Tiramisu都好好食。另外要一赞佢个饮品，好多选择，连罐装可乐都可以拎。我就食唔落雪糕了，留返俾啲小朋友吧！整体嚟讲，折实四百几一位系有少少贵，不过部份食物水准好高，都可以一试。
呢度最奇特系环境。酒店内部好似番咗80年代港产片见到嘅酒店环境，有透明lift，好有趣。不过一上到自助餐楼层就系另一番景象。呢度系起喺下一层空心嘅天花上面，有空中花园，有住客楼层，蔚为奇观。
嘢食方面，海鲜弱少少，主要系食长脚蟹，冇生蚝亦冇龙虾冇蟹。种类唔多，但贝壳类几好食。
热荤唔错，烧味尤其出色，即切海南鸡、叉烧同烧肉，都有靓烧味舖水平。汤同屋企人都好钟意。扒、串烧同其他食物就正常，屋企人话鱼柳同猪脚姜好好食，但我就冇试到😅。
不过，今次帮衬最主要系食佢signature嘅蝴蝶酥，佢足足有三款，全部都好好食，特别系朱古力，我拎咗四五次😂。
又不过，今日最好食嘅甜品，其实系即造斑斓班戟。热辣辣又有斑斓味，难怪排长龙。
好多人唔知佢个Tiramisu都好好食。另外要一赞佢个饮品，好多选择，连罐装可乐都可以拎。
我就食唔落雪糕了，留返俾啲小朋友吧！
整体嚟讲，折实四百几一位系有少少贵，不过部份食物水准好高，都可以一试。
张贴
