影片
更多
2017-09-12
429 浏览
早前同朋友入嚟大坑新村街食墨西哥嘢，回程时路经Bovini，因为大半年前嚟过食扒，以锯靓扒而言，确喺物有所值，所以，介绍俾同行老友等佢下次嚟试试。晌门口介绍时，发现原来餐厅新推出咗斧头扒套餐，一向都想试，询问过可以供3-4人享用，所以，是夜揾咗夏总同佢老婆一齐嚟试吓喺点。因为餐厅位处铜锣湾道近街口位，所以，由天后站行过嚟好方便。上次嘅食评都描述过餐厅环境，所以，今次就从略。不过，估唔到星期一晚嚟，有唔少客人帮衬，可见餐厅受欢迎程度。睇睇餐牌，除散点餐牌外，仍然有3款唔同价位嘅二人套餐，不过，以上次光顾嘅经验，啲二人套餐嘅份量喺够晒3个人食。而今次我哋就当然瞄准个斧头扒套餐啦。斧头扒套餐卖$1599 + 10%，包两款头盘：煎带子及珍宝虾鸡尾杯，主菜喺32安斧头扒拼龙虾尾，再以蜜桃金宝作结。不过，就唔包饮品，如果饮得酒嘅朋友，就最好点啲红酒配衬。Garlic Bread 落好单，先嚟份面包篮过吓口瘾，一大个农夫包，唔会跟牛油或油醋，皆因个包做好晒香蒜馅，搣开一片，香蒜味涌出，又够热辣，外皮香脆，包心绵密，诚意十足。Pan Seared Scallop一客只有3粒，如果4个人嚟食依个餐，有
因为餐厅位处铜锣湾道近街口位，所以，由天后站行过嚟好方便。上次嘅食评都描述过餐厅环境，所以，今次就从略。不过，估唔到星期一晚嚟，有唔少客人帮衬，可见餐厅受欢迎程度。
睇睇餐牌，除散点餐牌外，仍然有3款唔同价位嘅二人套餐，不过，以上次光顾嘅经验，啲二人套餐嘅份量喺够晒3个人食。而今次我哋就当然瞄准个斧头扒套餐啦。
斧头扒套餐卖$1599 + 10%，包两款头盘：煎带子及珍宝虾鸡尾杯，主菜喺32安斧头扒拼龙虾尾，再以蜜桃金宝作结。不过，就唔包饮品，如果饮得酒嘅朋友，就最好点啲红酒配衬。
Garlic Bread 落好单，先嚟份面包篮过吓口瘾，一大个农夫包，唔会跟牛油或油醋，皆因个包做好晒香蒜馅，搣开一片，香蒜味涌出，又够热辣，外皮香脆，包心绵密，诚意十足。
Pan Seared Scallop一客只有3粒，如果4个人嚟食依个餐，有无可能会俾4粒呢？哈哈！鲜带子喺刺身级，大只就唔在讲，煎得底需带脆，咬落肉质却喺好柔嫩，而且味道鲜甜，伴有芒果莎莎，可谓相得益彰。旁边仲有一小杯梅子果冻粒，虽然夹埋啲带子一齐好似互无相干，但啲果冻粒本身又约好食，酸酸甜甜，好香梅味。
Pan Seared Scallop
5 浏览
0 赞好
0 留言
Jumbo Shrimp Cocktail with Cocktail Sauce以鸡尾酒杯盛载冻虾，配上满满嘅沙律菜，卖相清新。啲冻虾果然好大只，口感冰凉爽弹，沾一点自家调校嘅鸡尾酱，酸香鲜活。
USDA Tomahawk 32oz & Lobster Tail in Bovini Style 主菜斧头扒卒之震撼登场，成日听人讲斧头扒有几大巨，有几大，今次就亲身第一次见，32安嘅份量唔喺浪得虚名，睇我食完揸住支骨影张「合照」，就知有几坚。
USDA Tomahawk 32oz & Lobster Tail in Bovini Style
6 浏览
0 赞好
0 留言
件牛扒极有质素，落刀𠮶下已感觉到啲肉嘅柔嫩感，切起嚟真喺好似唔使用力咁。幸而我哋都食得较生，要五乘熟，烧出嚟火喉恰到，外层焦脆，里面一点血水都无，却仍然保持嫩红；入口口感软腍唔在讲，肉味浓，又极富肉汁，水准非常之高。
而龙虾尾亦烧得爽口，只不过，一截龙虾尾3个人分，每人只有一小口，实在唔够过口瘾。
另外，仲有一件炸芝士饼，初头我哋仲以为喺鱼柳，但又唔见餐牌有注明。不过，件炸芝士位又几好食，脆口不腻，啲芝士好绵柔，满满嘅芝士香味。
Peach Crumble咪以为一个巨型套餐只包一款甜品会唔够食，佢啲甜品好大份，上次嚟已试过佢哋嘅Molten Chocolate Cake，就心里有数，亦知道水准不赖，今回套餐包Peach Crumble，自然信心十足。
份Peach Crumble喺咪好巨型呢，成个小蛋糕咁，4个人共享都无问题。面头嘅云呢嗱雪糕睇到点点云呢嗱籽，可知无欺场，入口软滑又富奶香。而啲金宝脆到「咯咯声」，但个人而言，有啲欠牛油香；底下满满嘅蜜桃果肉，颇香甜，夹埋啲雪糕一齐食，一冷一热，认真滋味无穷。
总结，我哋3个人食，真喺食到好饱，饱嘅程度应该喺到心口，如果4个人嚟，相信食得啱啱好，万一唔够先加啲散点。综观啲食材，都喺用料不赖，尤其件扒，师傅嘅手势又好，服务方面亦恰到好处，不时讲解一下啲食材，又会询问吓客人意见，有被尊重嘅感觉。
张贴
