冠華冰廳·阿爺燒鵝

营业中

休息中

去開附近，因為諗唔倒煮咩餸，見倒阿爺就斬啲料返屋企，求其炒個菜煮個白碗又一餐。已經唔係第一次幫趁阿爺，佢地嘅燒味係幾唔錯，哩間分店除左平時嘅金鐘罩叉燒，仲有肥燶腩叉，唔怕肥嘅當然唔可以錯過。金鐘罩叉燒($138/斤) - 哩度係$100份量，叉燒肥瘦適中，肉質好鬆軟唔痴牙，蜜味夠，如果切得厚身少少更好。脆皮燒骨腩($158/斤) - 燒肉係爆皮，拎到返黎仲係脆嘅， 燒肉肥瘦各佔一半，肉質唔會太實太鞋，鹹度亦啱啱好，蘸少少芥辣已經好味。買左叉燒同燒肉每樣$100，自己炒個菜同白飯，已經夠六人份量，價錢雖然唔算特別平，不過勝在每次幫趁都冇令人失望。