燒味滷師 (富榮花園) (已結業)

听过烧味卤师依个名，知佢陆续开左几间分店，今日即兴去朋友度食饭，煮唔切就去斩料加𩠌👍🏻泰式凤爪 $45大只无骨凤爪，特登买黎当凉盘小食，酸辣味唔算重，味道较温和。烧鹅下庄 $120大大只鹅髀，d肥油滴下滴下虽然邪恶，但系入口真系好香，成咀都系鹅油香😋鹅皮仲系微脆，甘香到呢！髀位肉嫩鲜美，伴饭一流🎈Chasiu $40有微微㶶边，色泽油润，有蜜味有肉香，偏瘦但唔干柴👍🏻盐焗鸡 $3030蚊半只咁抵忍唔住买埋，半只好足好多件，肉几滑下，味道岩岩好唔会过咸。屋企附近就系要有间斩料之选，得闲加下𩠌，方便简单又一餐👍🏻