影片
更多
2020-09-27
1951 浏览
2020年9月23日 星期三今日突然之间要陪老婆返屋企食饭，不过外母话唔够𩠌，叫我地加𩠌拎上去，临时临急都唔知买咩好呢个时候喺大围火车站附近见到呢一间餐厅，出面见有好多人排队等外卖原来系阿爷烧味店，餐牌有齐晒咁多款烧味，价钱都算大众化，而且烧味仲可以要半斤添，于是我哋每样要少少，打算外卖返屋企食返到屋企打开外卖盒仲系热辣辣，首先叉烧唔会太肥，但系肉质又唔会太靭，几有咬口，而且外皮嘅蜜汁唔会太甜，但系又渗到落里面既肉，我老婆好钟意之后有半斤蜜汁烧排骨，同头先嘅叉烧有少少唔同，呢个烧排骨烧得更加香，肉味更加浓，捞饭食一流跟住有半斤脆皮腩仔，冇谂过份量都几多，而且切得细细旧，方便一啖就食晒落去。烧腩仔外皮够晒香脆，而且有少少咸香，调味啱啱好，点埋黄芥辣一齐食就更加完美呢个只系半只油鸡，但系份量差唔多有成只鸡咁多，浸得好入味之余，鸡肉仍然系好嫩滑，色泽仲唔错添，最重要系鸡嘅肥膏唔算太多最后仲有油菜，冇谂过油菜上面会有炸蒜，一齐食味道又几丰富，而且菜心一啲都唔老加料几个一齐食$300都唔洗，仲可以令到老婆既屋企人咁满意，值呀！！
今日突然之间要陪老婆返屋企食饭，不过外母话唔够𩠌，叫我地加𩠌拎上去，临时临急都唔知买咩好
呢个时候喺大围火车站附近见到呢一间餐厅，出面见有好多人排队等外卖
原来系阿爷烧味店，餐牌有齐晒咁多款烧味，价钱都算大众化，而且烧味仲可以要半斤添，于是我哋每样要少少，打算外卖返屋企食
返到屋企打开外卖盒仲系热辣辣，首先叉烧唔会太肥，但系肉质又唔会太靭，几有咬口，而且外皮嘅蜜汁唔会太甜，但系又渗到落里面既肉，我老婆好钟意
之后有半斤蜜汁烧排骨，同头先嘅叉烧有少少唔同，呢个烧排骨烧得更加香，肉味更加浓，捞饭食一流
跟住有半斤脆皮腩仔，冇谂过份量都几多，而且切得细细旧，方便一啖就食晒落去。烧腩仔外皮够晒香脆，而且有少少咸香，调味啱啱好，点埋黄芥辣一齐食就更加完美
呢个只系半只油鸡，但系份量差唔多有成只鸡咁多，浸得好入味之余，鸡肉仍然系好嫩滑，色泽仲唔错添，最重要系鸡嘅肥膏唔算太多
最后仲有油菜，冇谂过油菜上面会有炸蒜，一齐食味道又几丰富，而且菜心一啲都唔老
加料几个一齐食$300都唔洗，仲可以令到老婆既屋企人咁满意，值呀！！
张贴
