燒味滷師 (安發大廈)

营业中

休息中

咁啱见完客喺长沙湾附近， 打算收工买啲烧味，斩料加𩠌返屋企做晚餐，见有唔少街坊系呢间烧腊舖外排队等候，价钱又唔贵，好似几好。同收银阿姐比完钱落好单，就拎飞仔喺门外排队，好快就有得拎。最抵赞嘅系阿姐好好人，问佢拎多几包酱汁都冇托手踭！烧鹅半只$180，价钱合理，买来比老窦食，老窦表示满意。鹅肉皮脆肉香，而且肉质相当肥美，抵食！叉烧亦系我嘅至爱，呢度半斤叉烧有优惠，$39大大份，蜜汁味道香浓，叉烧有香口㶶边，瘦少少但就健康啲。至于麻辣手撕鸡都唔错，半只嘅份量都唔少，好足料，麻辣味好香，但唔会太辣，大人细路都岩食。