Serendib (已結業)

是日要OT，但一早约好左女朋友食lunch，唯有系公司附近食啦。女朋友上网见到呢间餐厅系食斯里兰卡既野，我地两个都冇试过，究竟斯里兰卡系食咩架呢。入到餐厅，店舖细细，但墙上既装饰好配合主题，仲有一张好似航海路线既地图。我地两个人，叫左两个CURRY，同一份牛肉角。蒸米粉配咖喱(咖喱羊肉)一碟蒸米粉有4-5个米粉饼，就咁食会好干，一定要点咖喱，所以选较浓味的咖喱也不怕。咖喱羊肉方面，咖喱较为辣但配米粉一流，羊肉唔SO但又好香口。炒芝士薄饼(咖喱鸡肉)好特别！刚食落去有D似蚝饼的感觉，把所有配料混在一起，唔好睇佢份量好似有D细，好饱肚的。口感不油腻，可能当中包含左蔬菜，都算系健康之选。不过美中不足既系薄饼整体略浓味，如果淡味DD就PERFECT。其实食完以上两样都已经饱左。但女朋友又想试下D小食---最后拣左牛肉角。不过店员唔记得帮我地整，佢地劲唔好意思。时间唔太许可，唯有TAKEAWAY。牛肉角热辣辣，以为好细旧，点知比我地想像中既大只。外皮因刚刚炸起既关系好脆，外皮亦唔会好厚，馅除左有牛肉之外，仲有薯蓉咁黏住，好惹味。