影片
更多
2013-05-14
68 浏览
1月13日, 星期日晨早流流咁早起身, 都系为咗去行一个山~ 行山之前出到湾仔揾个靓早餐食, 呢条春园街有间金凤出晒名就系人都知, 不过原来喺正佢对面开咗间明星店, 之唔系挞住米佐治个朵, 近期大hit嘅林子善开嘅冰室~ 同样又系sell滑蛋呀, 经典茶餐呢d野, 所以见都系差唔多𠮶d野, 我地就试下啦~::: 牛油厚多士 + 招牌千层炒蛋 + 鲍鱼火腿通粉 + 茶走 ::: $28多士同炒蛋望落唔错, 多士半㶶得嚟又唔会太黑, 只不过牛油份量极少, 只够搽一搽中间𠮶部份. 炒蛋好似有d蛋汁咁, 几滑~ 但系食落见到个蛋一层一层分开, 唔可以算系整个去炒到均匀, 食到蛋中间好干, 同样地蛋味亦欠奉…鲍鱼火腿通粉上面加上d鱼翅咁, 都知系整色整水啅头野, 呢d罐头货色都系整完个通粉加上去, 格格不入… 整个通粉都普通, 唯一可取系个汤底有少少忌廉, 有d味咁啦, 否则鲍鱼丝、火腿丝、素翅呢d冇乜味嘅野更加淡口…茶走炼奶重手咗, 整个奶茶都好杰, 有奶味而冇茶味.::: 牛油厚多士 + 招牌千层炒蛋 + 沙爹牛肉通粉 + 冻奶茶 ::: $32 + $3呢件厚多士烘得都算唔错, 不过牛油就
::: 牛油厚多士 + 招牌千层炒蛋 + 鲍鱼火腿通粉 + 茶走 ::: $28
多士同炒蛋望落唔错, 多士半㶶得嚟又唔会太黑, 只不过牛油份量极少, 只够搽一搽中间𠮶部份. 炒蛋好似有d蛋汁咁, 几滑~ 但系食落见到个蛋一层一层分开, 唔可以算系整个去炒到均匀, 食到蛋中间好干, 同样地蛋味亦欠奉…
鲍鱼火腿通粉上面加上d鱼翅咁, 都知系整色整水啅头野, 呢d罐头货色都系整完个通粉加上去, 格格不入… 整个通粉都普通, 唯一可取系个汤底有少少忌廉, 有d味咁啦, 否则鲍鱼丝、火腿丝、素翅呢d冇乜味嘅野更加淡口…
茶走炼奶重手咗, 整个奶茶都好杰, 有奶味而冇茶味.
::: 牛油厚多士 + 招牌千层炒蛋 + 沙爹牛肉通粉 + 冻奶茶 ::: $32 + $3
呢件厚多士烘得都算唔错, 不过牛油就搽得求其咗d, 而且份量亦都唔够搽晒成件多士… 好在多士咬落都算松化… 千层炒蛋就摆到明唔系sell滑身架喇~ 不过呢件疑似卷蛋嘅物体食落其实有d干, 蛋汁勉强都叫做有, 但口感都系偏嚡…
沙爹牛肉通粉虽然都系普通通粉, 但主角惊喜地用上牛柳肉去做! 牛柳腌得香口惹味, 肉味浓之余肉质亦有弹牙感~ 汤底沙嗲味浓淡适中, 加埋d甜甜粟米又几配~
冻奶茶大大杯, 唔知系咪我叫咗少甜少冰, 茶同奶比例拿捏唔到… 奶味较重茶味又稍涩… 睇嚟喺饮品方面要比d心机研究下!
其实见林生都几落力, 喺楼面见到佢又收钱, 又落单咁, 又会笃促下属… 不过间茶记已经唔大, 仲要嗌嚟嗌去, 好嘈… 一早又已经话呢样冇, 𠮶样暂停, 成个menu差唔多冇咗一半, 准备咁唔充足系唔得架… 不过都见到唔少上咗年纪嘅女性一班嚟食, 睇嚟都系d嚟睇明星嘅蕃薯, 证明林生嘅明星效应始终系有d嘅~ 环境方面, 呢度实在唔够地方, 座位迫陜得嚟张枱又唔够大, 只比对面金凤好dd但系都不相伯仲.
最后有一段对话几好笑, 有一位女士入嚟坐低, 林生好似认得佢咁礼貌打个招呼, 女士回应佢寻日都有嚟, 林生再问位女士食乜, 女士话同寻日一样啦, 点知林生话一日真系太多人嚟, 佢唔会记得… 其实应该都系乱打个礼貌招呼咋卦… 我地忍笑忍咗好耐~~~
张贴
