影片
更多
2011-01-23
80 浏览
佛有绿，一个古旧嘅名字，一间新一代素食馆提起佛有绿，如果超过六十岁嘅香港人可能会记得以前有间素食馆叫佛有绿，但系已经结业多年。笔者只是儿时在大人口中听过从未去过，但名字深深烙入我嘅脑中。不过约十年前，在湾仔旧京都戏院对出嘅巴路士街忽然出现相同嘅名字，入去试试，味道唔错，价钱合理，由一位中年修行人主理，花款虽然唔系十分多，但胜在真材实料。有小食又有套饭，小炒都有，可以话五脏俱全。可惜系租金飞涨，对于向来难以生存嘅素食馆嚟讲可以系至命打击。馆子只好搬到楼上舖继续经营，展转搬过几次，好在当日有留下电话号码，否则收唔到佢哋嘅短讯，咁就失去一间咁有心嘅素食馆。如今搬到湾仔轩尼诗道，地点非常方便，只可惜楼下门口唔太明显，希望各位有心嘅朋友可以有缘揾到。早前因为公司搬离港岛所以同佢宽别咗好一段时间，上星期再收到短讯，得知又再搬新舖，所以心思思又再去帮衬。馆子现今系一个小单位，面向轩尼诗道尚算光猛开扬，由于面积关系，只可以放大约四张八至十人台。由于健康关系，女主厨在地舖后期已让位俾佢个仔，而新一代斋叉烧就系𠮶时研究出嚟，今次重临当然唔会放过啦。叫咗一个叉烧饭，只不过系$37.00，墙边有个大饭煲有一个
提起佛有绿，如果超过六十岁嘅香港人可能会记得以前有间素食馆叫佛有绿，但系已经结业多年。笔者只是儿时在大人口中听过从未去过，但名字深深烙入我嘅脑中。
不过约十年前，在湾仔旧京都戏院对出嘅巴路士街忽然出现相同嘅名字，入去试试，味道唔错，价钱合理，由一位中年修行人主理，花款虽然唔系十分多，但胜在真材实料。有小食又有套饭，小炒都有，可以话五脏俱全。可惜系租金飞涨，对于向来难以生存嘅素食馆嚟讲可以系至命打击。馆子只好搬到楼上舖继续经营，展转搬过几次，好在当日有留下电话号码，否则收唔到佢哋嘅短讯，咁就失去一间咁有心嘅素食馆。
如今搬到湾仔轩尼诗道，地点非常方便，只可惜楼下门口唔太明显，希望各位有心嘅朋友可以有缘揾到。
早前因为公司搬离港岛所以同佢宽别咗好一段时间，上星期再收到短讯，得知又再搬新舖，所以心思思又再去帮衬。
馆子现今系一个小单位，面向轩尼诗道尚算光猛开扬，由于面积关系，只可以放大约四张八至十人台。
由于健康关系，女主厨在地舖后期已让位俾佢个仔，而新一代斋叉烧就系𠮶时研究出嚟，今次重临当然唔会放过啦。
叫咗一个叉烧饭，只不过系$37.00，墙边有个大饭煲有一个大汤桶，只要帮衬叫菜有$35.00食同汤都任饮任食，真系抵！
叉烧未到，先饮碗汤，斋汤润厚，浓淡适宜，入口有种幸福嘅感觉。叉烧终于都到，去装饭，大饭煲内系红米饭，有益健康。
急不及待先试一口叉烧，味道依然强烈，浓浓嘅酱汁包住仍有点脆嘅皮，入面系软而有咬口嘅「肉」，水准保持得好好，如果加少少生抽吊味，可以话美食一绝。
好耐都冇试过食碗几饭，饮两碗汤，今次真系食得非常满足。
张贴