更多
2020-10-06
68 浏览
有啲人可能会问,我都只系俾个30几蚊食个早餐点解又要写食评阿吱阿咗。其实我系觉得无论你比嘅系几千蚊也好几十蚊也好,都值得食好食嘅嘢,而香港呢个美食之都最优胜嘅就系我哋有最精致嘅星级餐厅,亦都有平民美食。我一向好喜欢肯德基上校嘅炸鸡,但午餐食两旧我觉得太多,反而早餐有一块鸡扒,对我来讲系好饱口福亦都系好快买返公司食住来开工嘅一个唔错嘅选择。附近嘅家乡鸡旧店冇咗之后就开呢间新店,而呢间新店好多员工亦都系响附近嘅旧店过嚟。呢间店舖我唯一唔喜欢嘅系买嘢已经要行上一楼,如果要堂食嘅就要再行上多一层,快餐店通常系匆匆食个午餐,所以呢个setting我觉得对客人来讲唔系咁方便。新店比旧店干净好多,冇帮衬一排薯饼亦都转左货源。唔知点解呢度无论系鸡扒定系薯饼味道都同之前有啲唔一样,如果以前味道有4分,而家嘅味道就只得返3分。另一个我唔系好alright嘅系执嘢食嘅哥哥仔手脚好慢,唔系力有不及𠮶种慢而系发住梦做嘢𠮶种慢。响一间快餐店,慢,真系死罪。
我一向好喜欢肯德基上校嘅炸鸡,但午餐食两旧我觉得太多,反而早餐有一块鸡扒,对我来讲系好饱口福亦都系好快买返公司食住来开工嘅一个唔错嘅选择。
附近嘅家乡鸡旧店冇咗之后就开呢间新店,而呢间新店好多员工亦都系响附近嘅旧店过嚟。呢间店舖我唯一唔喜欢嘅系买嘢已经要行上一楼,如果要堂食嘅就要再行上多一层,快餐店通常系匆匆食个午餐,所以呢个setting我觉得对客人来讲唔系咁方便。
新店比旧店干净好多,冇帮衬一排薯饼亦都转左货源。唔知点解呢度无论系鸡扒定系薯饼味道都同之前有啲唔一样,如果以前味道有4分,而家嘅味道就只得返3分。
另一个我唔系好alright嘅系执嘢食嘅哥哥仔手脚好慢,唔系力有不及𠮶种慢而系发住梦做嘢𠮶种慢。响一间快餐店,慢,真系死罪。
张贴