新蘇記燒豬大王

营业中

休息中

今天是端午节，听讲新苏记重开，尊登一早九点钟坐车去买烧肉做节，去到九点十五分，奇怪唔似以前一早有人龙排大队等买新鲜出炉用新鲜猪烧的猪，只有两三个人排队，只见烧肉已经分成一份份小份，唔见成只猪挂住俾人睇，既然一场来到，都试下啦，买了一份烧腩骨，唔知几重，又唔系成只猪斩出来，要$253,叫佢切埋，买师父啲皮脆唔脆，佢话好脆，但见佢斩烧肉时一D声都冇，就知唔多妥。另外买了一只黑椒烧鸭，要收$180, 网上话$140,唔通端午节坐地起价。中午攞烧肉出来食，皮全是淋，我觉得应该是隔夜卖唔去的烧肉返烧，肉地干到飞起，味道不用提， 烧鸭亦淡而无味，听人话老板仲系龙哥，我觉得同以前完全无得比，相信可以心息，以后唔使山长水远一早搭的士去买，可以悭番，结论系永冇下一次。