爸B燒

营业中

休息中

因工作关系要去新蒲岗，要揾间好西食慰劳下自己，于是见到呢间门面咁光猛既小店就俾佢吸引左，虽然地方唔太大, 但胜在坐得够舒服，感觉好温馨，呢度除左有猪牛鸡串烧之外，都有烧海鲜食, 我最钟意就系个虾串烧，见依家做紧promo 6元只，原先以为咁平都知系雪虾，于是就叫左2只试下，点知一上枱，就见到D虾脚、须、壳都好完整，好食到不得了，我再入左半打食...。另外，俾老板sell埋条则鱼食，90几蚊，味道都几特别，香口得黎又有汁，鱼怪应该要试，不过都几大条，我谂要2个人先食得晒。老板都好好人, 可能见夜, 卖唔晒，就免费送左个生蚝俾我地去试食, 啖啖肉又够juicy唔干。最值得一赞系，呢度竟然有泰国既肉碎生菜包卖，而且味道一流, 十分地道。