譚仔三哥米線 (福榮街)

营业中

休息中

呢间谭仔三哥喺深水埗嚟讲算系几新嘅一间，今日就黎试吓睇吓佢嘅质素如何。依家谭仔三哥嘅主餐牌都进步咗好多，图文并茂，辣度解说亦都非常清晰。最近仲新出咗汤底叫做「砂砂」，其实都系类似喇沙嘅风味。因为我都几钟意喇沙汤底，所以今次就拣咗呢个砂砂汤米线。去得谭仔三哥冇理由净系食米线咁简单，大部份人都会喺土匪鸡翼同蒜泥白肉之间二选一，今次我就选择咗前者，味道属正常水平，但就略嫌佢嘅鸡肉做得唔够滑。砂砂汤底味道都有啲类似沙嗲味，不过就比较清一啲，而因为汤底比较清，就能够饮得出多一份鲜味。配菜方面拣咗牛肉，质素正常有肉味。另外就拣咗煳辣汤底， 十小辣嘅味道完全符合我嘅要求，配埋鱼腐索埋汤底非常开胃。嚟得谭仔对味道嘅要求都唔会太高，仲要学识聆听谭仔口音，但以呢个价钱可以有餐温饱，入口合格以上，都真系夫复何求。