MOS Burger (形薈)

营业中

休息中

𠮶日lunch唔知食咩，见到佢新出嘅和牛汉堡入去试吓。仲有一个士多啤梨乳酪，叫埋黎试吓先。个和牛汉堡好食㖞，面包热辣辣松软，加咗蕃茄同埋生菜，仲有劲大块和牛扒！好重牛味，而且成件事好夹。🍔🍔仲有薯条🍟系热辣辣即炸嘅，虽然要等一阵，但系系值得等待嘅，因为佢比起其他快餐店嘅薯条粗同埋厚实，入边淡淡都系薯仔。士多啤梨乳酪，佢系好重牛奶味🥛𠮶种乳酪，系水状嘅乳酪然之后加士多啤梨，虽然佢俾咗粗饮管，但系啲士多啤梨🍓粒都会塞住条饮管。食完呢个餐之后夜晚都唔使食。有人食咗摩斯汉堡，仲要系Double，佢话食完之后都唔使食晚餐，佢加咗个炸鸡，虽然细只咗啲，但系味道OK嘅。整体嚟讲，如果单买个包$45其实有少少贵，但系加埋个餐$70-$80 ，其实出边而家都差唔多。