大呷台灣 (已結業)

中环美食好多，今日就食台湾嘢啦。见到依度promo紧小笼包，有优惠，就试试。红烧牛肉面🐮 - 好大碗面加超多牛肉，share嚟食先有胃试埋其他嘢，牛肉煮得几腍，面条系台式粗面有咬口，汤底唔会太咸太浓味。卤肉饭🍚 - 超多卤肉仲有我最爱嘅流心蛋，白饭份量惊人，细食女生需注意！小食拼盘🤪 - 拼盘好抵食，有醉鸡，木耳，豆腐，茄子同流心蛋，醉鸡系我嘅最爱，充满花雕酒嘅幽香，鸡肉嫩滑，茄子煮到好腍，木耳爽口，鸡蛋creamy 流心，豆腐个xo 酱好惹味，可以捞饭食。小笼包🥟 - 小笼包好有惊喜！皮薄馅靓多汤汁，夹起唔会烂，即叫即整热辣辣，点啲姜醋食好好味。黑糖珍珠奶茶 & 蕃薯芋头奶茶🥤珍珠奶茶因为茶味较重，令甜味不太突出，比较港式。而芋头奶茶相对甜度合适，里面有大量番薯粒，芋头味浓郁😬。最后要提提依度啲staff全部都好nice,超级有礼貌！