譚仔三哥米線 (運頭塘新城)

营业中

休息中

最近见到谭仔三哥新出蜡笔小新米线（想知系咩，睇埋落去😂），排长龙都要试一试香辣回锅肉虾仁炆米线🍜因为广告有蜡笔小新，所以我叫佢蜡笔小新米线😂由汤米线转为炆米线都几大转变，但米线质素不减，软硬度刚好，配上惹味既回锅腩肉，每条米线同腩肉都沾满秘制辛辣酱汁再炆至收干水份，味道香浓，非常入味，辣得黎又冇咩油腻感。配埋爽口弹牙大大粒既虾仁🍤、韭菜、绍菜一齐煮，咁冻既天气食真系好暖胃。仲可以额外追加其他食材，食得辣既亦可以加辣。P.S.绍菜炆煮完仍然水份十足👍🏻麻辣酱银耳鹿茸菇🍄银耳同鹿茸菇沾满三哥麻辣汁，但同一般既麻辣汤底有啲唔同，应该系再加左独有辣酱混合而成。银耳够爽口，鹿茸菇够大块，仲捞埋肉碎炸酱，系个好有诚意既小食。露丝玛莉苹果梳打🍸清甜既苹果梳打，加上青柠同迷迭香叶，酸酸甜甜几开胃又解辣，饮落仲有少少薄荷味。