唐記包點 (置富第一城)

营业中

休息中

唐记一向啲点心都有保证，而且比一般酒楼嘅点心更加好食。价钱又非常亲民。近期新出咗阿华田系列，阿华田包入面充满阿华田流心，而且味道唔会太甜，我觉得几好食，$5真系好抵！另外，叫咗点心：鹌鹑蛋烧卖，而家就算去酒楼都唔系度度有得叫，所以呢一个系怀旧点心。鹌鹑蛋好好食，而且烧卖都几香，唔错。另外再叫咗杞子烧卖，另一个风味，啲猪肉唔会好肥，落去猪肉都几爽口，味道唔错。叫咗鲜竹卷，鲜竹卷入面咬落去有汤汁，都几清甜，而且入面都相当之多馅料。我好钟意食马拉糕，所以都叫咗一件马拉糕，入面软绵绵，好香黄糖味。