影片
更多
2014-06-09
3730 浏览
利申：本身已经系亚坤 fans，自从第一次去新加坡之后就对佢地香脆的咖央多士、半熟蛋及偏甜的奶茶深深著迷。往后两次再去新加坡，都一定要至少食一次（第二次搭凌晨机走，都要系机场食亚坤做最后一餐）。听到亚坤终于要系香港开分店已经超级兴奋，星期日第一日开舖已经要帮衬。新餐厅，不出所料，好多凑热闹的香港人。先介绍，亚坤系自助形式，自己揾位（等位）之后，再排队去收银落单。本身系等埋食物先返埋位，除非系饭或喇沙类比较耐既菜式，先至拎块号码牌埋位。咖央多士则可以自己等埋先攞返位。之但系第一日营业实在太多人，为免迫爆 counter，所有食物都一律用号码牌。估计开业初期人流回复正常之前，都会系呢个形式。由于当日兴奋过度自己一个人冲去试，所以马上揾到个搭枱位。排队反而用左 20 几 30 分钟，主要原因唔系收银慢或者唔够人，而系好多人都系第一次帮衬亚坤，唔知可以点叫野食，有时可以当一 set 既食物就散嗌，有时就系问 XXX 究竟系咩黎，收银亦都太过友善地讲解。如果啲客落 order 爽手啲，排队其实唔会特别慢。落单后记得先在收银隔离自助区餐具，如果个位无甜豉油都记得攞返支～等食物，又系果句，由于第一日
听到亚坤终于要系香港开分店已经超级兴奋，星期日第一日开舖已经要帮衬。新餐厅，不出所料，好多凑热闹的香港人。
先介绍，亚坤系自助形式，自己揾位（等位）之后，再排队去收银落单。本身系等埋食物先返埋位，除非系饭或喇沙类比较耐既菜式，先至拎块号码牌埋位。咖央多士则可以自己等埋先攞返位。之但系第一日营业实在太多人，为免迫爆 counter，所有食物都一律用号码牌。估计开业初期人流回复正常之前，都会系呢个形式。
由于当日兴奋过度自己一个人冲去试，所以马上揾到个搭枱位。排队反而用左 20 几 30 分钟，主要原因唔系收银慢或者唔够人，而系好多人都系第一次帮衬亚坤，唔知可以点叫野食，有时可以当一 set 既食物就散嗌，有时就系问 XXX 究竟系咩黎，收银亦都太过友善地讲解。如果啲客落 order 爽手啲，排队其实唔会特别慢。落单后记得先在收银隔离自助区餐具，如果个位无甜豉油都记得攞返支～
等食物，又系果句，由于第一日客人实在太多（听闻下昼 3 点已截龙，当日系 11 点开始营业），所以起码 30 分钟食物先至到齐。
我叫既系 Set A，有齐最基本要试既：咖央牛油多士、半熟蛋两只、饮品。Set A $39，不过叫左冻奶茶之后就变左 $45，同新加坡售价差无几。
先黎既系咖央多士。成个新加坡都有得咖央多士，香港多士盒都有得食。但亚坤吸引既地方就在于，多士烘完两边，仲会切薄一半再烘。咁唔香脆都唔得啦！加上由第一代留落的清甜咖央，夹一块慷慨无比的牛油，滋味真系无与伦比。不过当日等左 10 几分钟先黎，多士都冻左少少，亦都唔脆了。想品尝百分百亚坤多士既人，不妨等过一排热潮减退，或者无乜人既时段先黎。唔好俾美中不足既第一次，破坏左你对亚坤多士既印象。
食多士食到一半就黎半熟蛋。香港人唔惯半熟蛋，但试新餐厅，就梗系试埋新野食啦，咁先可以扩阔下眼界架嘛。当初我都系第一次食，结果就认识多一样美食。半熟蛋平时系用碟上，不过当日人太多（「人太多」三个字不停出现），于是就用外卖兜上。食时可加胡椒及甜豉油，我就只加后者。新加坡甜豉油杰身，而且好浓，加埋半熟蛋食时唔好落太多，唔够先再加。蛋黄香加上蛋白滑，仲有甜豉油既鲜甜，不得了～强烈建议大家至少试一啖（而且一定要试蛋黄）。
食完晒奶茶先黎，冰都溶左大半，比较淡，大家可以考虑叫少冰。亚坤以至新加坡的奶茶都偏甜，奶味重过茶味好多，同港式完全唔同。南洋咖啡则见仁见智，我自己本身都钟意奶茶多过咖啡，大家自己选择～
至于其他饮品，例如咩冰或者摩卡，开业当日好似应付唔到，有啲客要转饮其他饮品，讲声俾大家知，做定无得饮既心理准备～
虽然当日无食正餐类，但附近既人都分别系我面前食左鸡饭、喇沙同炸鸡饭。听到既评语如下：鸡饭香（只鸡望落都几滑）、喇沙比想像中辣，炸鸡饭好多配菜（炸鸡味都好香，即系炸野果阵味）。
总结如下，新加坡味道保持得到，但系一开业好多野都拿手唔成势，想认真试都系先等一等～
题外话/补充资料：
我都觉得有点儿太 hard sell，但我唔系 6 月 7 有得试食既打手～所以绝对客观，哈。
(以上食记乃用户个人意见 , 并不代表OpenRice之观点。)
张贴
