天天海南雞飯 (Fashion Walk)

营业中

休息中

天天海南鸡系新加坡必食餐厅之一，之前去新加坡嘅时候太多人排队而无食到，见香港有分店，所以黎试试。《天天海南鸡》$189果然系招牌菜，鸡肉好嫩滑，最有惊喜嘅系块鸡皮，系爽口唔油腻，而且点埋秘制辣椒酱，更加惹味。《鸡油饭》（细锅 ）$39，食海南鸡当然要配鸡油饭，细锅鸡油饭嘅份量都好多，有3-4碗饭，粒粒饭都有鸡油香味，鸡肉加鸡油饭，好满足！《古法肉骨茶》$159肉骨茶好足料，有猪骨、猪肚、豆卜、腐竹，份量多，而汤底就系淡淡嘅药材味，好易入口。《新加坡原味豆腐花》$22个豆腐花好有惊喜，好滑而且不会太甜，啖啖嘅黄豆味，推介大家可以叫黎试试。《香水柠檬茶》$34估唔到天天海南鸡都跟上潮流，野饮出埋香水柠檬茶，味道好唔错，饮落去浓浓嘅香水柠檬味，非常之fresh。