影片
更多
2020-11-17
571 浏览
虽则香港同新加坡就快建立旅游气泡，但问过旅游业朋友，光系两地来回各2次嘅检测费都6K，再加3-4K机票，咩都未做都无咗成皮嘢！踪然旅游瘾点发作都好，还是等正式通关先去较好（爱护荷包系列）～▲黄白主调，感觉舒适。▲Chatterbox Express嘅标志鸡头，好可爱！无得飞，唯有继续靠食止瘾！讲起新加坡美食，最近又比我揾到间好嘢，那就是新加坡过江龙Chatterbox嘅分支Chatterbox Express！Chatterbox Express开系太古城，位置有少少隔涉，主要走亲民路线，唔似Chatterbox咁玩高档。价钱平啲，质素却无减，食完都几令人满足！▲就算唔飞新加坡，一样可以享受地道滋味。Chatterbox Express除咗价钱平易近人，佢哋嘅菜肴都好贴近日常生活，基本上喺度食饭，有种似置身狮城般。好似早餐，呢度就有新加坡风粥品、午／晚餐就有新加坡肉骨茶面线、炸猪扒干捞面、海鲜干捞面及新加坡肉酱捞米线配温泉蛋等等，就算你无去过新加坡，都可以从呢40多款菜肴中，感受两地饮食文化大不同。至于味道，坦白说唔系100%正宗，毕竟过江龙，嚟到都要调整一下口味，迎合本地人，如似白
▲黄白主调，感觉舒适。
▲Chatterbox Express嘅标志鸡头，好可爱！无得飞，唯有继续靠食止瘾！讲起新加坡美食，最近又比我揾到间好嘢，那就是新加坡过江龙Chatterbox嘅分支Chatterbox Express！Chatterbox Express开系太古城，位置有少少隔涉，主要走亲民路线，唔似Chatterbox咁玩高档。价钱平啲，质素却无减，食完都几令人满足！
▲就算唔飞新加坡，一样可以享受地道滋味。Chatterbox Express除咗价钱平易近人，佢哋嘅菜肴都好贴近日常生活，基本上喺度食饭，有种似置身狮城般。好似早餐，呢度就有新加坡风粥品、午／晚餐就有新加坡肉骨茶面线、炸猪扒干捞面、海鲜干捞面及新加坡肉酱捞米线配温泉蛋等等，就算你无去过新加坡，都可以从呢40多款菜肴中，感受两地饮食文化大不同。
至于味道，坦白说唔系100%正宗，毕竟过江龙，嚟到都要调整一下口味，迎合本地人，如似白胡椒肉骨茶会无咁浓胡椒味；海南鸡都要用黄岗鸡，用唔到新加坡当地嘅文昌鸡，鸡肉嘅质感系有差异。
新加坡肉骨茶面线（连饮品）
$108
24 浏览
0 赞好
0 留言
▲被炖得棉滑嘅半颗蒜头及猪骨，入口即化，口感治愈。✦ 新加坡肉骨茶面线（连饮品）
香港实在难揾到令我满意嘅新加坡肉骨茶，要么不唔够正宗，要么太辣口，一味重口味。呢度嘅口味调节得刚刚好，白胡椒虽不及新加坡食到咁多，但汤头辛口得嚟清甜，一字骨肥瘦适中，嫩而不腻，加上炖得棉滑嘅半颗蒜头，成件事都好正！
文华海南鸡饭（连饮品）
$108
44 浏览
0 赞好
0 留言
另一款必试就系佢哋文华海南鸡饭，用咗50 分钟慢煮而成，肉质真系劲嫩滑！值得一赞系佢哋嘅鸡皮唔会好似出面食到嘅鸡咁，有层肥膏，薄皮脆口，做得唔错。另外，佢哋嘅鸡油饭都正，用鸡汤及鸡油烹煮成，够晒香浓。
椰子雪糕咖央三文治 （连饮品）
$48
50 浏览
1 赞好
0 留言
新加坡街头成日食到雪糕三文治，估到呢度都食到！呢度嘅椰子雪糕系店家自制，熔得好快，但好香椰子味，唔似出面食到咁一口粉。外层就系搽咗咖央嘅全麦多士，多士烤过，脆脆地，食时外脆内冻，冰火感十足。
美禄哥斯拉
$38
24 浏览
1 赞好
0 留言
美禄恐龙又系新加坡必饮嘅邪恶特饮，呢度嘅版本加埋脆口嘅美禄波波，连雪糕球食，脆脆口感好正。
玫瑰我爱你
$45
21 浏览
0 赞好
0 留言
令我意外，呢杯嘢几好饮，以新鲜椰子水、鲜奶及玫瑰糖浆调制而成，粉红玫瑰糖浆同椰子水味道好夹，香甜清新，推荐！
▲Chatterbox Express感觉好平易近人，食度食饭好似置身新加坡咁！
张贴
