Baker Talent

营业中

休息中

晨运完顺便行去大桥街市买点水果见到大桥街市对面有间面包舖 🥖🍩新加坡面包达人 🍞🥐见到都唔少街坊帮衬所以试吓呢度D面包好多款式都几特别，我有好多都想试所以买咗几款返去同老公一齐食🤭🔶特浓芝士挞🔶呢度好出名嘅芝士挞，价钱仲要好抵食🤭挞皮系曲奇皮好香脆，芝士味香浓👍🏻，性价比高。🔶招牌108 层葡挞🔶净系望到个酥皮已经好吸引，个皮真系做到好多层好薄，咬落去好松脆，中间蛋浆也好滑，甜度啱啱好。🔶蔓越莓乳酪包🔶个面包好软熟，有好多蔓越莓，中间馅料有D乳酪，食落少少酸甜，成个咬落去夹埋D味道好夹👍🏻🔶斑斓咖椰菠萝包🔶菠萝包外层做到脆卜卜，带有斑斓味道浅绿色嘅包咬落去好香，中间仲有好多咖椰浆做馅，呢个包超好食，我超钟意❤️下次一定要encore 。🔶咖啡菠萝包🔶我一夹个包已经闻到好香咖啡味，菠萝包外层一样做到脆卜卜，一路食一路闻到咖啡香。🔶爆浆奶皇包🔶为咗想试吓佢爆浆嘅感觉，我返到屋企用焗炉翻热食，真系超好味，奶皇馅料好多好香滑，个包面仲有少少脆，面包食落软熟。其实我见佢哋仲有个榴梿菠萝包，不过我去时刚刚卖晒，可能太受欢迎，唯有下次再试😆呢度除咗面包，仲有佢哋自家制出品嘅樽装咖啡、奶茶。