天天海南雞飯 (Fashion Walk)

营业中

休息中

今日约咗个旧同事见面，同佢喺附近行下街；之后就揾嘢食拣咗呢间天天海南鸡因为知道佢钟意食海鲜。呢度除咗出名食海南鸡，亦都出面食蟹。点咗个新加坡黑胡椒蟹肉粉丝煲；砂锅新加坡麦皮罗氏虾同埋黄金八爪鱼呢度装修（店铺名个牌匾）都好有新加坡feel，叹住茶等食物到。好快黄金八爪鱼就煮好，香味十足，外皮被咸蛋黄流沙包住，食落去非常惹味，炸浆够晒薄脆，热辣辣炸起。里面嘅八爪鱼非常大又弹牙，食起嚟烟烟韧韧又唔会难咬。邪恶好味道！转头麦皮虾都整好喇，用上好多麦皮同埋洋葱烹煮，砂锅煮法令到佢哋更加香。虾肉同样弹牙而且啖啖肉，够晒新鲜。我同朋友都系第一次食麦皮做法，又唔会好似清蒸白烚咁淡但系又畀起其他浓郁嘅酱汁更加食到虾嘅鲜味，好特别。至于黑胡椒蟹同粉丝煲热辣辣滚住，底下嘅粉丝吸晒精华，非常惹味开胃；蟹肉份量都好多，拆咗肉亦都方便易食，新鲜好食，太正！冻冻地嘅天气，食物热住嚟食，边倾边食，特别滋味。今餐海鲜餐真系高质素，旧同事系海鲜控都非常满意。