泰昌餅家

营业中

休息中

最近好迷撻類，每次經過屋企樓下嘅餅店，都會忍唔住口，買件鮮奶撻或栗子撻回家品嚐。今日嚟中環做嘢，經過「泰昌餅家」，見到新出咗藍莓撻，嘩！迷人嘅紫色，面頭仲好似鋪咗層雪花咁，賣相好吸引喎，一於買番件返屋企做下午茶。藍莓撻每件 $12，不過店員話而家做緊優惠，買兩件又或者藍莓撻+皇牌蛋撻各一件，都只係 $18，更加抵食。反正有啲肚餓，一於買埋佢嘅酥皮蛋撻同老婆餅。件藍莓撻做得真係唔錯，好有驚喜。撻皮金黃香脆，裡面有綿密的藍莓粒蛋糕，面頭鋪咗香甜清新的藍莓果醬，最後灑上薄薄的一層雪白糖花作裝飾，味道酸甜不膩，十分開胃！另外皇牌蛋撻 同 酥皮蛋撻亦保持一貫水準，前者牛油味甘香，而後者撻皮亦鬆化起沙；蛋漿餡夠晒香滑，奶味、甜味恰到好處，蛋味豐盈。至於件老婆餅，拿上手時仍有點熱力，金黃色的酥皮，入口散發酥香。內裡嘅冬瓜蓉餡，夾雜了不少芝麻和椰絲，用料十足，入口煙韌軟糯，清甜而不膩，令人回味。幾款產品味道都很不錯，唔怪得知長期 keep 住咁多客幫襯。