成記海鮮酒家

营业中

休息中

流浮山海鲜一聚，好多人食海鲜会谂起西贡，其实流浮山都系一个唔错嘅选择，当然你系想食海鲜唔系变海鲜就要有熟人带路。今次友人安排丰富海鲜晚餐，一坐低就有一个海鲜汤，跟上个酥炸茄子再加埋酥炸蚝黎送红酒，两个都外脆内软、只只蚝都超肥美，朋友怕食蚝都食咗3件。仲有wasabi 虾，呢个就真系得意，可以试吓既，蒜蓉粉丝蒸大蚬，个人钟意蒜蓉粉丝所以一定觉得好食。而豉椒蛏子米粉底好味，但精粹在蛏子下面啲芽菜吸哂啲汁，食唔停口。仲有老虎班炒球同炆鱼，炒班啖啖肉，但要一提佢个炆鱼，识食友人教路，炆鱼好难整，呢个未系最好但已经唔错，因为要将鱼走油炸到够干身，先至可以炆，啲鱼件上枱后都唔会出水，呢度做得到，同埋佢炆鱼个汁好惹味，大满足既一餐。顺带一提呢间系流浮山食店中系清雅环境舒服，友人聚会可以一试。