牛牛日式火鍋放題 (北角匯二期) (已結業)

本身諗住去北角薈睇紫色花海點知因為3號風球唔開咁就上去睇吓有咩食呢間shabu shabu睇落大間感覺好高級晚市放題套餐有唔同價錢揀揀咗$238食澳洲穀飼牛放題湯底揀咗牛牛秘見鍋，其實就係壽喜燒湯底另外揀咗豬骨湯兩個湯底都好濃味肉類就係任叫既，一坐低就會先比三盤你然後蔬菜同埋其他配菜就自己出去拎碟同埋夾都係喺位自己攞出去比較衛生醬汁同埋嘢飲選擇都好多菜嘅種類有好多包括有紅心蘿蔔，羽衣甘藍，萵筍，秋葵都有肉丸都好多唔同種類，最鍾意就係食沙律丸同芝士豆腐！仲有長腳蟹棒，鍾意食雞肉嘅就要自己出去拎啦。另外熟食區有滷水蛋，滷水豆腐，咖喱等等，打邊爐嘢食未熟都可以食住熟食區嘅嘢食先。仲有Movenpick嘅雪糕同埋Oreo雪條！movenpick雪糕可惜我行到出去嘅時候已經俾人筆晒，所以我就食咗Oreo雪條，又幾好食喎！餐廳空間感好高，樓底高之餘枱同枱嘅距離都好遠，坐得好舒服。