大飯館

营业中

休息中

💟水煮鱼鱼片鲜嫩，数量都多，里面仲有芽菜&娃娃菜，但汤底有种中药味，同埋无用热油淋上辣椒，少左一阵香辣味。💟镬气小炒王劲油，炒到黑晒，每种食材味道分开，虾干系南乳味，无咩镬气，得个油字。💟蜜桃咕噜肉上枱份量好似俾人食过咁，啲汁滴到碟边都有，但味道唔错，份量一般，咕噜肉肥瘦比例刚好。💟避风塘椒盐鲜鱿味道香口，炸得通透，但好多油，似系炸完鲜鱿最后无开大火逼返啲油出嚟。加左生紫洋葱一齐食感觉无咁”漏”，点睛之笔。💟咖哩吉列猪扒意粉椰汁甜咖哩，味道正常；吉列猪扒够热够香脆，系薄左啲啰，份量有两块。💟蒜蓉时蔬油浸时蔬，但蒜蓉味几香。全部菜式都偏咸偏油，每个菜跟一个白饭，服务都算几好嘅，叫拎水、拎碗、催饮品都无黑面。