22 Branch Oyster Bar & Restaurant (已結業)

Donki 对面有个新商场，环境都几好，有好多狗仔设施，又有大量line公仔，啱晒小朋友玩。 当中 "22 Branch Oyster Bar & Restaurant" 环境好舒服（适合情侣打卡），食物及环境都好好，儿童餐又啱小朋友食，值得一试。 食物有惊喜，卖相好吸引， 味道相当好，配合埋环境值得比个赞。 叫左个儿童餐，有mini burger , 意大利饭, 沙律,果汁 （$78），小朋友食得好开心。 另外lunch menu都好多野拣，叫左个 "猪柳丝Egg Benedict" ($108) "、"香煎北海道带子牛肝菌意大利饭"（$128）。味道好好，食材新鲜，好吸引胃口。 商场比较新，唔系全部商铺开晒，不过都好，人少少影相一流，餐厅暂时都唔洗等位（相信之后排晒队），一定要揾日试试晚餐。店长介绍左烧春鸡，话处理手法好特别，小朋友有得玩有得食，打卡首选。听落几吸引，揾日试试。 同场见到其他客食生蚝，生蚝好大只好靓，下次要试试。