Cafe Deco Pizzeria (已搬遷) 新店位置

今日去圆方睇29+1，睇完就谂紧食咩，喺圆方绕咗几个圈，终于拣到一间想食的。本来去食越南菜的，但上open rice 见食评唔系特别好，所以放弃，去咗食Pizza。去到唔使等位，入面坐得几舒服，环境唔错。M6 和牛拼虎虾 $182第一次见到 Pizza 有M6和牛拼虎虾，即刻心心眼，即时落order,就再无睇其他Pizza。一个Pizza 一开8件，视觉效果几靓，M6和牛入口好淋，牛味就要好细心品尝先feel 到，但虎虾好爽口。未试过嘅朋友，可以试吓嘅，呢个配搭又真系好 match。煎带子伴风干火腿 $112带子入口好嫩，底部配上芝士汁，微微带出了带子嘅鲜味。风干火腿入口好脆身，口感唔错。火箭菜够新鲜。两个人食一个 Pizza 的确有d多，下次可以试吓佢哋d意粉。