唐三樓Cafe (已結業)

每日临收工都要谂呢个充满哲学性既问题：究竟收工去边好？咁岩老友又得闲，系Openrice揾下附近既Cafe，于是就试下太子呢间唐三楼。上到唐三楼，店员安排我地坐系门口左手边既梳化位。柔和既灯光，如果唔系约左老友磨刀真系随时训著😂讲返正题野食先：我地三个人分别都叫左个餐再加左个蜜糖鸡翼蜜糖鸡翼：好多蜜糖汁，唔系干争争。有阵淡淡既香草味😋跟餐附送既忌廉薯仔沙律：口感几滑，食得出捞左洋葱我就叫左呢个纸包焗柠檬牛油三文鱼配青口芦笋薯仔片：个名咁长我都打哂😂可见我对呢道菜既喜爱三文鱼扒出其既好味，柠檬牛油汁食完唔会太滞。薯仔片同芦笋都有好香牛油味，青口就普通、不过不失。野食要挑剔既地方就系卖相唔系最靓果种同埋等个三文鱼都要半个钟左右，但overall味道认真唔错👍👍女店员话依家推广Like Facebook有得任饮，于是我地都叫左几款饮品，值得推介既系奇异果绿茶，味道几特别，出面比较少饮到最后同老友们大战完三小时之后就各自归家了，希望每个礼拜都可以有机会再出黎聚头，下次有机会都会再相约上唐三楼。