新嚐泰泰國餐廳

营业中

休息中

今晚收工去左试新餐厅，地点系湾仔石水渠街既新尝泰泰国餐厅，系新开既。餐厅位于街市附近，入口系住宅大厦，然后搭lift上一楼。入面有壁画，装修都几有特色。餐牌有前菜，沙律，汤，主菜，甜品，蔬菜，咖哩，面饭，饮品。今晚第一次黎，叫左两道主菜加一个炒菜。曼谷海南鸡 一只 $190 另加一曼谷海南鸡卖相不俗，用只鸭仔碟上枱。鸡肉暖暖地，皮滑骨已去。鸡脾肉特别好食，超滑。点伴碟既辣酱好惹味。下底垫有生菜一大片。冬阴功汤炉蒸脆炸乌头鱼 $188 另加一冬阴功汤炉蒸脆炸乌头鱼用个鱼形碟用炉头热住上枱。条鱼炸得好脆皮，肉质都算嫩，真系可以连骨食，味道口感都唔错。个汤酸辣度刚好，好惹味。配料有好多秀珍菇，车厘茄同椰菜。当然仲有香茅，辣椒，芫荽等，味道更香。另上一碗更浓既冬阴功汤，有香茅同芫荽葱，味道酸酸辣辣好开胃。马拉盏炒菜 $80 另加一可以拣通菜，芥兰或者椰苗。我地拣咗芥兰。芥兰捞埋辣椒，洋葱同脆脆一齐炒，辣辣地好惹味。食完唔觉油。椰汁冰 $40 另加一呢个椰汁冰系一大jar，估唔到份量咁多。 饮落又香又滑，味道好好，叫左少冰，冰分量唔会太多。两个人share都够饮。今餐所有野都好食，坐到窗边卡位，