黑木 (已結業)

同事知道尖沙咀黑木有串烧Omakase,约我放工去试吓，串烧食得多，食厨师发板嘅串烧都系第一次，我都想见识一下！天气热，入座后先来杯冰冻啤酒解解喝！等待厨师为我们制作串烧时，先食点前菜小食，鳕鱼干脆卜卜，味道香甜，送啤酒一流！沙律有鱼生、瓜、蔬菜，既清新又爽口。水云口感黏滑，混合日本醋作冷盘，酸酸地几开胃！用松叶蟹做甲罗烧，高级又高质，松叶蟹膏、蟹肉加埋味噌，边烧边伴均匀，就咁食超鲜甜，配多士食多咗脆口感！烧鸡翼上台时，厨师先提示要食咗绿色的辣椒先再食鸡翼，辣椒烧得好香，唔系好辣，鸡翼烧得皮脆肉嫩好入味。烧鸡肉棒配温泉蛋，将鸡肉与鸡软骨搅碎，做成肉棒，再以自家制酱汁调味，混合温泉蛋汁来吃，加倍可口。串烧牛舌、鳗鱼、猪腩肉，我比较钟意猪腩肉，因为加左虾酱，食落爽口惹味。将烧香的米饼放入昆布汤，米饼索左清汤，口感烟韧味道香甜，再加上舞茸菇，更加美味可口！用冧酒烧菠萝，菠萝表面烧过有蕉糖，脆脆地，菠萝清甜又多汁，