Simplylife Bakery Cafe (已結業)

今日食完LUNCH同同事去行街街，行完街街同事话要买个包明天做早餐，我问佢去边度买包，佢话要黎呢度买，佢仲话因为上次响呢度买左个包觉得好好食，所以再来这里买，我听到佢咁讲就梗系同埋佢一齐去睇下有咩包咁吸引啦，入到去一睇，又真系几吸引㖞，我被啲面包吸引著，连我同事买咩包我都唔知了，搞到我忍唔住都买一个黎试下添，睇来睇去最后拣左个好似树头既玉桂卷黎当下午茶都好。到了下午茶时间，打开个包，外型似木头，有年轮咁，面头有杏仁，同朱古力面。杏仁好脆好香口又多，朱古力味好浓，朱古力包住个面包面，令到个外皮都脆脆的，入面面包好软腍，好香肉桂味，面包好似一丝丝咁，一路食一路撕出黎，感觉几得意，size唔算细，呢个包都几唔错，食落都几饱肚，呢度啲包听闻都几出名好食，下次再试过另一啲款先得！