餃餃餃子 (已結業)

香港人个个好忙，食个饭都好赶，而且放饭时间只有一个钟，于是约同事食个快饭。系湾仔一到食饭时间，度度爆人，好辛苦先逼到入饺饺饺子。系开放式厨房，效率好高好快。事不宜迟，叫左个盐曲新鲜椰菜，椰菜固之然新鲜爽甜，加上发酵盐曲味道好有层次，唔系单纯既咸，盐曲比盐淡而且有回甘既感觉，令椰菜更加鲜甜爆汁，好开胃又好食。到主角饺子上场，未开动前，有简介教点食，于是装左饺子汁同味噌酱汁用来点。椰菜豚肉饺子唔系单纯得肉，椰菜中和左肥腻感，仲有好多汁，而且外皮酥脆。蟹肉海老特长豪华饺子棒，配上沙律酱，感觉一般，不过其他餐厅比较少见。惊喜位竟然系Puri Puri海老饺子，虾好弹牙同爽脆，完全冇雪藏味，点上紫菜海盐已经好入味，正。由于唔够饱，夹份叫左个鳗鱼饭，个块鳗鱼好肥美，粒粒分明饱满，加上蛋花增加美感同味觉，好饱肚。最后饮上一杯柚子梳打清一清个口，即时感觉精神抖擞，成个人好清新。