芽莊越式料理 (新城市廣場) (已結業)

今日去沙田新城市影紫蓝波，琉光星河在7楼，影完就觅食，位于7楼的芽庄越式料理，刚好不用等位，立即入去开餐，加上很耐冇食越南野。河内鱼饼，有四大件，真系抵食夹大件。每件都要4-5口才食完，鱼饼好香口，内有爽口马蹄粒，增加咬口，鱼肉弹牙又唔腥，仲有香料味，好正。越式鲜虾米卷，用几层纸米卷著虾肉、香叶、米粉、青瓜、生菜、甘笋等等，仲有芝麻。沾甜辣的酸汁同食，层次口感好丰富，清爽不腻又够饱肚。虾干芥兰苗，好多虾干仔，仲有花生及芝麻。芥兰苗较嫩较脆口，配埋劲多虾干，咸香惹味，仲有花生香，令蔬菜不再单调。炆猪腩肉，忘了菜名，但份量好多，有几件大大旧猪腩肉，仲有只鸡蛋。猪腩肉炆得好松化软腍，脂肪入口即溶好够油香，肉味浓郁又够入味，连个汁都咁正，好想伴白饭食，鸡蛋也很入味。烧牛肉捞檬，细细碗，但也够饱肚，女仔食最岩。加入大量甜酸辣汁捞匀再食，檬粉爽口吸哂酱汁的味，酸酸甜甜食再多都无负担，加上微辣刺激更开胃。烧牛肉都好多，唔干不韧，香口肉味突出，不是嫩嫩的，而是带咬口的肉感。