馬場洞烤肉專門店 (新城市廣場三期) (已結業)

新城市两间烧肉店，一间韩式，一间日式，今次先讲讲韩式呢一间。餐厅环境装修唔错，一入门两个熟成冻柜，全餐厅以木色为主，餐碟碗筷、烧炉用金色，整体感觉唔错。餐牌除咗for烧肉嘅牛肉、猪肉，仲有其他韩式熟食，连酱油蟹都有，酒就得真露、啤酒同一款house wine，冇其他选择。其实净睇餐牌，牛肉嘅部位、款式的确几多选择，几吸引。当晚点左个二人set，加个酱油蟹，加支house wine。你睇得出牛肉质素其实几好，但成间餐厅职员完全冇谂过帮你烧一阵，其实唔需要全程帮你烧㗎，间唔中帮吓手一阵都好呀。由得个客自己烧，再好嘅肉都只会成为浪费。我认我系渣，所以韩烧多数去’名家’。如果餐厅你系谂住走冇Service嘅韩烧，其实我建议不如你做放题，可能赚得仲多。埋单走嘅时候，八卦睇吓其他枱，老实讲，眼见每枱个炉都系黑麻麻。冇比较冇伤害，下次再讲下新城市另一间烧肉店。