影片
更多
2022-04-06
68 浏览
放左工去附近揾下野食，见到桥底有间点心舖笼太子，大大只字写住免加一同茶钱三蚊，望落几光鲜，价钱又唔贵㖞，试下佢先。入到去，店员好快安排入座，仲问饮咩茶，有普洱、铁观音、同玄米茶拣，咁特别有玄米茶就拣佢啦。估唔到啲茶直接摆入个暖水壶入面，咁又几好㖞，可以确保啲茶一定热。枱面嘅调味料有醋、喼汁同xo酱，个xo酱真系超好味，正到要攞黎捞饭咁济，唯一要扣分系个器皿唔多干净，摸上手会黐立立…讲番啲点心先，点心纸上选择都几多，最后拣咗四个点心同两个蒸饭，虽然话即叫即蒸制作需时，但系都唔系等咗好耐，第一笼点心就嚟啦～先上枱嘅系笼太子虾饺皇，大大粒好饱满，虾饺馅好鲜味，正㖞。跟住到嘅系多汁蟹籽小笼包，一般茶楼嘅小笼包唔知点解都蒸到干争争，但呢度冇㖞真系好多汁，皮薄肉鲜，又系好好味。再来系煎虾胶酿茄子，平时嘅鲮鱼肉换咗做虾胶，上面仲有一只只大虾响度，卖相满分之余味道又系正嘅，半煎炸嘅茄子又脆又多汁，入口超热呀。最后一样就系鱼肚水饺，水饺大大只馅料多，鱼肚爽口，个上汤好鲜甜，饺同汤都好好味，食晒啲饺连汤汁都饮埋唔好晒。仲有呢个朋友叫嘅咸鱼肉饼饭，佢话个咸鱼好味，唔系死咸个种黎，啲饭系粒粒米唔烂，口感刚好，
入到去，店员好快安排入座，仲问饮咩茶，有普洱、铁观音、同玄米茶拣，咁特别有玄米茶就拣佢啦。估唔到啲茶直接摆入个暖水壶入面，咁又几好㖞，可以确保啲茶一定热。
枱面嘅调味料有醋、喼汁同xo酱，个xo酱真系超好味，正到要攞黎捞饭咁济，唯一要扣分系个器皿唔多干净，摸上手会黐立立…
讲番啲点心先，点心纸上选择都几多，最后拣咗四个点心同两个蒸饭，虽然话即叫即蒸制作需时，但系都唔系等咗好耐，第一笼点心就嚟啦～
先上枱嘅系笼太子虾饺皇，大大粒好饱满，虾饺馅好鲜味，正㖞。
跟住到嘅系多汁蟹籽小笼包，一般茶楼嘅小笼包唔知点解都蒸到干争争，但呢度冇㖞真系好多汁，皮薄肉鲜，又系好好味。
再来系煎虾胶酿茄子，平时嘅鲮鱼肉换咗做虾胶，上面仲有一只只大虾响度，卖相满分之余味道又系正嘅，半煎炸嘅茄子又脆又多汁，入口超热呀。
最后一样就系鱼肚水饺，水饺大大只馅料多，鱼肚爽口，个上汤好鲜甜，饺同汤都好好味，食晒啲饺连汤汁都饮埋唔好晒。
仲有呢个朋友叫嘅咸鱼肉饼饭，佢话个咸鱼好味，唔系死咸个种黎，啲饭系粒粒米唔烂，口感刚好，捞左啲咸鱼油超香口好正㖞。
自己就叫左腊味饭，上面几片腊肠，饭中间都有腊肠粒，都好足料呀。饭系糯米饭黎㖞，烟烟韧韧有咬口，腊肠油捞饭又系劲正，食到停唔到口。
点心好食茶够热，慢慢叹饮晒壶茶先走，离开个阵店无乜客了，可以同呢个打卡位影下相，哈哈。
仲买左手信走人添，个xo酱实在太正，店内消费就可以用七十蚊买一樽，朋友话要放公司捞饭捞面食㖞～
张贴
