Tokyo Secret 味之藝術 (已結業)

成日经过尖沙咀去利时行街 都见到呢间野好多人买又好多人排队 哈 次次见到咁多人都冇等到 但今日真系好好彩！五点去到竟然冇乜人 咁当然走试试啦！当食个tea先 ！睇个menu , wow.... D名又 好吸引呀！样样甜品都好特别！有紫薯，有啲甜品都特别注名系用北海道牛乳整嘅！听落都有品质保证！我就叫咗一个期间限定嘅枫之火焰！朋友就叫左一个日式阿芺佳朵3.7北海道牛乳配冲绳紫薯！试下我个枫之火焰$48先！造型上佢赢哂！哈哈 因为一拎出嚟有烟雾效果，非常配合火焰嘅感觉！重点系雪糕加入爆炸糖，wow...食落去真系好似有火山爆发嘅感觉 几正！成个感觉同menu嘅描述好吻合，与实物相附！其实个雪糕系榛子雪糕嚟嘅再配合埋红桑汁，食第一啖好似食紧金莎咁，以为会好漏，但食落去系唔会觉得好甜好漏，反而红桑汁带有少少酸味，令人开胃可以食哂成杯！有个西人行过见到觉得好有趣，仲问我地系咩嚟！哈哈 其实造型上佢又真系几吸引！再试下我朋友嘅日式阿芺佳朵3.7北海道牛乳配冲绳紫薯$38！甜品嘅造型都好靓，好钟意佢𠮶个紫色！食落去嘅时候牛奶味嘅味道好浓，好好味！再配合冲绳紫薯，简直系绝配，味道好清淡，食落去慢慢浮现