Hero's Friday (已結業)

呢间Hero's Friday系荃湾新开既分店，听闻荔枝角分店好食，于是今日喺荃湾就专诚去试一试，门面清简整齐，右边仲贴心有四张櫈，可以比人买咗喺度食，不过都系要用外卖纸袋，其实可以唔用纸袋，可以环保啲。暂时只收现金，堂食中途都好多街坊嚟买外卖。呢间店有首创将汉堡包用班戟取代，好新奇🤩，所以专登嚟试下，我拣咗猪柳蛋班堡，$48包埋汽水🥤同薯条🍟。大概等咗都系十分钟左右就出餐啦！我比满泻既薯条吸引，新鲜炸起真系好难唔好食，收到即刻食返几条先！不过啲盐就唔系洒得好匀，所以食到底愈来愈咸。至于主菜个猪柳蛋班堡🍔，两块松软既班戟，食落反而有少少甜甜地，芝士同猪柳就无乜特别，而个炒蛋真系唔错，成熟度啱啱好仲有蛋浆流出，又够晒足料，好饱肚！不过本人觉得配班戟有少少怪，因为蛋、芝士、猪柳都系属于咸既，而个班戟甜甜地咁有啲漏，又咸又甜有少少奇怪，但都系个新奇既尝试！好评绝对系比个薯条同炒蛋！下次会试下佢其他汉堡，见到大大份都系卖$6/70度，几抵食！不过真心薯条汉堡真系要堂食先好食，拎返屋企始终争啲，除非真系住好近啦！